FATAMAN II

Ince chësc ann án indô metü man cun le proiet FATAMAN. Chësc proiet de product design á le fin da promöie y fá conësce les cualités artejanales dla Val Badia sura i confins fora. La colaboraziun cun le designer y curadú dl proiet Harry Thaler é ince en chësc ann stada fondamentala por mioré le prozes de svilup: al é gnü perfezioné i detais che fej fora la desfarënzia por ci che reverda la cualité. Implü nes él gnü confermé la colaboraziun cun l’assoziaziun turistica Alta Badia por le merchandising. I produc vëgn ma venüs dai artejans instësc tres n contat diret che vëgn dé inant dal’assoziaziun turistica.