Artejanat Val Badia

Vijiuns (proiec por le dagní)

Por le dagní unse de gragn proiec! Un de chisc é chël da deventé n punt de referimënt por i artejans dla Val Badia y da podëi i daidé te sü proiec plü importanc, olache le laur vëgn fat sön deplü liví. Ciafé na soluziun deboriada por i problems da vigni de dl artejanat, chësta é na vijiun, mo ara pó deventé realté cun l’impëgn de düc canc. Por podëi arjunje chësc fin ól dessigü ester n plann studié fora bun y le tëmp da le realisé.

Sideviewportraitofcutelittleboyworkingwithwoodsittingattableandtakingmeasurementsmakingwoodenmodel.jpg
Ecole.jpg

Academia AVB

Deach’al mancia tres deplü i lauranc te tröc seturs dl artejanat, él gnü metü a jí y lauré fora le proiet Academia AVB. L’Academia Artejanat Val Badia é partida ite aladô di liví scolastics desvalis. Porchël él gnü lauré fora n conzet por les ciases di pici, les scolines, les scores elementares, mesanes y altes y ince por i daturs de laur. Le fin plü important é chël da descedé ti jogn l’interes por l’artejanat, da descurí sü talënc y da ti pité la poscibilité da i svilupé.

Tla scora mesana, tratan les „leziuns d’artejanat“ che vëgn metüdes a jí aposta, podará i jogn fá n oget o n laur cun l’aiüt de artejans de seturs desvalis.

Tla scora alta dessel gní descedé l’interes di scolari por i singui laurs da artejan tres le job speed date.

Y nia inultima orunse ince ciaré di daturs de laur, a chi ch’al ti gnará pité cursc de formaziun y d’ajornamënt ti seturs plü desvalis.

Vector Smart Object3.jpg
Vector Smart Object4.jpg

Fataman 2021

Conscidran le suzes de FATAMAN, gnarál metü a jí la terza ediziun. Por le svilup dl design di produc se anuzarunse ince tla terza ediziun dl aiüt de Harry Thaler, che s’â bele cruzié da realisé la secunda ediziun.