Tipworld y stand AVB

Tó pert al marcé tradizional Tipworld é dër important por l’AVB, deache le marcé local é avisa le punt da chël ch’i orun pié ia. Le ciaré fora dl stand AVB é gnü studié fora y realisé cun la colaboraziun dl designer conesciü Harry Thaler.

Tl grup de laur êl ince Manuel Moling, Isidoro Clara, Elio Clara y Vito Dejaco. Le conzet nü d’esposiziun é dër flessibl y ti dá ince ales pices aziëndes la poscibilité da se presenté cun püces spëises: i modui pón ince ma s’impresté fora.