Tol ince tö pert al proiet AVB!

Nos sun dl post!
L’AVB é na usc sterscia tl interes di artejans dla Val Badia. I sun dl post y da arjunje saurí: i se dun da fá por les dites y i un dagnora na orëdla por ascuté sö tües domandes.

Marca de cualité AVB:
Cun le logo dl AVB mostreste sö autentizité, originalité y cualité. Da defora él n sëgn de profescionalité.

I ti dun forza a to dagní!
AVB pita proiec fac sön mosöra por ti garantí n dagní inovatif ales aziëndes, sciöche l’Academia Artejanat Val Badia y Fataman (https://www.fataman.it/).
L’organisaziun de cursc profescionai spezifics y de formaziun generala por mioré ti ciamps dles ressurses umanes, dl’inovaziun, dl marketing, dla gestiun di proiec y di social media, é ma n valgönes de nostes propostes.

Laur de rëi: deboriada sunse plü stersc!
I pitun na rëi por baraté fora esperiënzes y conescënzes te nosc ciamp. Tres la colaboraziun tla rëi aste la poscibilité da otimisé i cosć y da ciafé deplü inciaries lapró.

Na majera visibilité
Tres le laur atif sön i media da pert de AVB ará ince tüa dita na majera visibilité: reclam debann tla brosciüra AVB, ti media locai y social media, sön la plata internet AVB y pro les fieres é ma n valgügn di sorvisc che vëgn pitá.

Informaziuns asveltes
Cun les newsletter, la homepage y Facebook é i mëmbri debota informá sön les novités, i cursc de formaziun y döt ci che reverda aziëndes y dites.

Sostignibilité
N laur fat deboriada y na colaboraziun danter les dites cun n edl al dagní y ala sostignibilité por conësce seturs dl marcé nüs. Porimpó: la realté y tradiziun ladina é ci che caraterisëia l’AVB, chësc savunse y orunse dé inant!

Domandes y contat
AVB: info@artejanatvalbadia.it o +39 0474 780010