Electro Irsara

La dita Electro Irsara é nasciüda ti agn Sessanta. Albert Irsara l’á metüda sö y da eletrizist autonom s’ál fat n bun inom sura döta la Val Badia. Passa vint agn alalungia ál mené la dita da su, cina che i dui mituns, Paul y Andrea, é rová lapró. Do che Albert é jü en ponsiun dl 2010, á i dui fredesc Irsara surantut deplëgn la dita familiara. Le fin prinzipal dla dita da acontenté le plü ch’ara vá i cliënc, é dagnora resté le medemo y a chësc ti vëgnel dé tröpa importanza. Ma les strategies da arjunje chësc fin s’á mudé ti agn. Dantadöt les tecnologies d’aldedaincö á mudé la manira da lauré de Electro Irsara.

N punt zentral particolar reverda l’automaziun inteliënta dla ciasa, olach’al vëgn dagnora ciaré che la cualité stimenëies y ch’al sides n bun raport danter cualité y prisc. Important él ince che nia ma la dita, mo ince i cliënc ais vöia de investí deplü tëmp te n proiet y te n laur fat sciöch’al alda, por sparagné te n secundo momënt tëmp y scioldi.