Tesciaria Gaidra

Tesciaria y aredamënt tessil
„Gaidra“ é sinonim de cualité, varieté y creativité. Da dagnora ciarunse da lauré do tradiziun y da tó ma fires naturales, dantadöt de bambesc y de lin. Cun cincant’ agn d’esperiënza y le savëi arjunt te chësc tëmp, ciara Gaidra tresfora da renové sü produc y i designs, por i adaté ales ghiranzes y ala moda d’aldedaincö.
Aper la produziun de patüc tesciü, se conzentrëia l’ativité dla tesciaria Gaidra sön l’aredamënt daite de ciases privates y d’alberch. I pitun na lita de produc che vá dales coltrines ala peza da tapezé, lapró ince tapec, tovaies, lec y blanciaria da let, cutres y plomac, pezes da mans y blanciaria da ciasadafüch. Meton man cun na consulënza sön mosöra y en colaboraziun cun produturs de tesciüs renomá é la dita Gaidra bona da ti pité, aladô di bojëgns, soluziuns individuales a sü cliënc y da ti fá i produc avisa sciöche ëi s’ai dejidrëia.