Tesciaria Nagler

La tesciaria d’ert Nagler é la plü vedla dla Val Badia: ara é documentada por le pröm iade dl 1857 y é gnüda portada inant da cin’ generaziuns.
Chësc laur artejanal, che é gnü dé inant dal pere ai mituns, é indere cotan plü vedl y vá zoruch a canche i tesceri Nagler jô söles störes a lauré sö la lana y le lin che vigni paur â te ciamp. Al gnô spo fat drap de lana y de ras da fá guant y linzos de lin. Cun l’esperiënza da lauré cun chisc materiai y cun le laur fat cun ligrëza y tröpa paziënza, moscedan bel plan ert y laur d’artejan, él nasciü la tesciaria d’ert Nagler. Chësta s’á spo svilupé te n zënter de produziun de pröma cualité.
I gragn vari fac dala tecnica á albü na gran influënza sön l’industria dla tesciaria. Tl 18ejim secul á le torá mecanich tut le post dl torá a man y insciö s’á la tecnica de produziun adaté ales ghiranzes di tëmps. Da canch’al é gnü inventé le torá che jô cun na mascin eletronica „Jacquard“ (1970), á i tesciüs de bambesc y de lin arjunt n livel de perfeziun ch’an n’â mai ciamó odü. Porimpó n’ê les mostres vedles y les combinaziuns de corusc, che é testemoni dl artejanat artistich tradizional, nia jüdes a perde.

La tesciaria d’ert Nagler, che é conesciüda por süa creativité y fantasia y por la gran sensibilité por l’estetica y la decoraziun, é brauia da podëi Ves pité na lita de 300 mostres de tesciüs.
Conesciüda é la tesciaria d’ert Nagler ince por les idees y la fantasia y é caraterisada da n bun gust decoratif y é porchël ince brauia da podëi Ves pité na lita de passa 300 motifs de ciüf, dessëgns geometrics y tirolesc.