Le proiet Artejanat Val Badia (AVB) é gnü metü a jí por daidé mantigní l’arpejun dla cultura artejanala, por la valorisé y por cherié n lian danter düc i artejans. Avisa por chësc fin él gnü svilupé chësta marca de cualité.

La miú strategia por arjunje chësc fin é stada chëra da mëte sö na assoziaziun flessibla danter les dites d’artejan dla Val Badia. Do la pröma fasa olach’an á ciaré da abiné adöm les dites interessades, á l’Artejanat Val Badia cherié na rëi sterscia de dites d’artejan autonomes, mo che é tl medemo tëmp coliades öna cun l’atra. Le proiet sostëgn la competitivité de sü mëmbri cun idees nöies y cun iniziatives de formaziun te deplü ciamps. Dilan al’„inteliënza de rëi“ che vëgn dal anuzamënt deboriada de competënzes y spezialisaziuns, pó la produziun rové sön liví tres plü alc de cualité. Insciö miorëia ince les poscibilités di artejans sön n marcé tres plü globalisé.

Por evidenzié chësc conzet de cualité él gnü cherié na marca de cualité che AVB ciara da fá conësce tres sües campagnes de reclam, mo ince te botëghes ocajionales, söi marciá y en ocajiun de de vigni sort de manifestaziuns.

I „social network“, na plata internet y „newsletter“ informatives completëia la strategia de comunicaziun studiada fora a puntin. So fin é chël da descedé l’interes, da informé, trá para, fá ciaré ca y mantigní vi le patrimone artejanal y cultural ladin straordinar.